كيف تصطادين المعرس دون اللجوء إلى الاساليب السقيمه من المغازلات والترقيم والتلميح الي ماله سنع والترزز بالاسواق.....إلخ

=أهم شي تعالي على العجوز الي تدور لولدها عروس ثم نفذي مايلي:

1_خليكي مع امك ولاتروحين مع البنات وتتهيبلين اصبري عنهم كم شهر لين تتم العملية.
2_امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك.
3_كلمه خاله خليها دايما على لسانك خاصة لام المعرس عشان تحس بنوع من التميز عن باقي العجايز.
#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر "ون" تنجح مع نمبر "تو" الاحتياط واجب وانا اختك.
4_اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <كثر الدق يفك اللحام>دارية المثل ماله داعي بس مالقيت غيره.
5_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك .
6_كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.
7_اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية {اقول نظفي غرفتك اول الي تقولين ثايره فيها قنبلة ذرية}.
8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.
9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.
10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.
11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.
#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!
12_في العروس اضغطي على نفسك واقضبي ارضك ولاترقصين واعتبري الرقص عيب وشق جيب.
13_اذا جاء طاري السوق وهولازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.

=الحين العجوز بتكون وقعت فالفخ.

نروح للمعرس الحين.
1_اهجدي في بيت اهلك ولاعاد تطلعين واذا جا المعرس بيشوفك خلي ابوكي يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك إن تحط مكانها باسكال مشعلاني}
2_ قبل يجي اليوم الي بيشوفك فيه بحوالي اسبوع او اكثر{حسب شين الوجه} طامري من صالون لصالون صبغ فرد تنظيف بشره..إلخ.
3_اذا جا المعرس خلي اخوكي يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.
4_في نهاية المشهد خلي ابوكي يقول:معليش وانا عمك ترى البنت شوي محيوسه{معليه يالشايب تنصب عالمسكين}.
وبهاللحظه الولد بينط على راس أبوك ويبوسه لين يشفط مخه ويقول متى العرس ياعم؟

{تحذير مهم}
#ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى.


غنوجـــأأ

 

ههههههههههههههههههههه
لالالا مايصلح كذا انتي اكيد بتحوسين بالطريقه الي قلت عليها
سويها صح وبتشوفيين
واذا ما ظبط اخطبك لاخوي والله يعينك

 

هههههههههههههههههههههه
وين من زمان عن الطريقة الله يقطع ابليسك غنوجة انا بجرب وياويلك مايجي المعرس

 

مشكورة ذروة غنج على التوقيع الروعة
I love walking in the rain


because

no one knows i'm crying

بيجي وعلى ضماااانتي لا تخافين
واذا ما جا اخوي الثاني محجوز لك ولا تشيلين هم
نورتي قلبوووو

 

هههههههههههههههههههه
تصدكين والله طريقة حلوة تسلمين

بس صدك لو مانجحت براويج ياويلج مني

شكلي حجزتلي من الحين من باجر ببدأ

تسلمين ياعمري ع النصايح المفيدة

 

هههههههههههههههه
الله يسلم قلبك
وان شاء نفررح بكل البنوتات

 

ههههههههههههههههههه لالا ليه اضحك عليك
بس بصراحه هو مو كبير بس يمشي الحال
اصغر مني بشوي
يسلموووووو ع المرور

 

هههههههههههههههههه

#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نمبر "ون" تنجح مع نمبر "تو" الاحتياط واجب وانا اختك

احلى ملاحظة غنووووج مرة قوووووية

عااااد انا دااااخلة اتلقف على البنات

بس بعد اللقااافة قررت ادعيلكم من القلب دعوة صااادقة

با رب كلكم تصيدوا عرساااان وسيمين وطييييبن ونشوفكم عرايييس في الكوووواشة

 

ياااااحوبي لك يا ريموووووووووووووومتي
منوووووووووره وربي

 

ليااااان حبيبتي انا متزووووجه الله يخليلي زووووجي

ويرزقكم ازواااج مثله طيب وحبوب ما شاء الله عليه

 

<<عارفه ان ريوم متزوجه
الله يوفقك ريووم يا قلبووو
منووووووووورين