انتهى عهد "ريجيم الجوع"..

عواطف · #1 08/05/07, 10 :31 10:31:56 PM

:

مساكم / صباحكم خير
السمنه والوزن الزايد صار حديث المجالس في كل وقت
ياما كثيرات مايناظرون اشكالهم في المرايه واذا صار
طلعت عيونها مرتاعه من شكلها
الكثيرات جربوا انواع من الريجمات ومافيه فايده
وان نزل كم كيلوا
شهر والا اثنين
وركضة للميزان
وفجأة تعدى خطه الطبيعي
هذه المرة لم يعد مجال للشك:
ريجيم الجوع لايفيد أبداً في الحفاظ على قوامك
وحسب بل ربما زاد وزنك! والحل؟
إنه موجود,
و الفضل في هذا الاكتشاف راجع الى عالم أميركي
هو البرفسور بارا كافاروبياس ومساعديه.
يقول البروفسور:
عندما يجوع المرء ويشتهي طعام بقوة
,يكفي أن يرى أو يشم رائحة هذا الطعام
ليسمن,دون أن يتناول منه غراماً واحد
اكتشاف مدهش فعلاً!
فكيف توصل هذا الباحث الى مثل هذه النتيجة الثابتة؟
بطريقة بسيطة:
قدم ألواناً من الطعام الى ستة شابات سمينات
وتركهن يتنشقن رائحته.
وأجري لهن فحص الدم من قبل وبعد التجربة
.وأثبت هذا الفحص أن مجرد مشاهدة الطعام الذي حرمن منه
أدت الى ارتفاع نسبة الأنسولين وخفضت,في الوقت نفسه,
نسبة الدهن الساري مع الدم.
إن عملية التوازن بين "الصادر والوارد"
من الشحوم في الخلايا الشحمية,
خاضعة لعنصرين.الفوسفورياستيراز
الذي يختزن الشحوم,والA.M.P الدوري
الذي يلعب دوراً معكوساً.
أما الحميات والريجيم الصارمة جداً,
فلها عيب آخر يضاف الى الذي ذكرناه
.فهي لاتنطوي على رفع مقدار الأنسولين
وحسب,بل إنه,عندما تنقص الحريرات
بصورة ملموسة,
يبدي الجسم ردة فعل ليدافع عن نفسه
لقاء هذا النقص,بإفراز هورمون يسمى علمياً "T.3 معكوساً"
.ومن شأن هذا الهورمون أن يخفف من سرعة الاستقلاب,
أي عملية استهلاك الطاقة
.مثال ذلك:شخص يزن 70 كلغ يحرق حوالي 70 حريرة
في الساعة أثناء نومه,
فإذا مااتبع حمية بالغة الصرامة,فهو لايحرق إلا 40 حريرة فقط.
وهذا التباطؤ لايقتصر على ساعات الراحة وحسب
بل يستمر 24 ساعة على 24 ساعة!
وإذا كان مجرد رؤية الطعام تسبب لنا السمنة,
وإذا كان الريجيم الصارم يحول دون نقص وزننا,
فماذا يبقى؟
يبقى أن نخفف من ردة فعل مركز الجوع,
ومقره في قاع الدماغ,
ذلك أنه هو أساساً,المسؤول عن تحرك الأنسولين و"T.3 الاحتياطي".
ولتحقيق هذا الهدف
ينصح الدكتور ارنال
بمهدئات خفيفة
.والعلاج لايتوقف هنا,بل يجب أن يرافقه إنقاص الطعام
بصورة يتم معها تصحيح الأخطاء الغذائية
شيئاً فشيئاً ولكن ذلك يجب ان يتم على مراحل تدريجية
,لئلا يعمد "مركز الجوع" في الدماغ على إطلاق "صفارة الإنذار".
يقول الدكتور أرنال: "
يجب بالدرجة الاولى تجنب الاستغناء الكثيف عن السكريات
ومئات الفحم
.وإذا مالاحظت أن مريضاً مايستهلك كمية كبيرة من الخبز – 300 غرام مثلاً –
فإني أطلب إليه إنقاص هذه الكمية الى 150 غراماً أو 200 غرام
,ووضعه تحت المراقبة".
فإذا لم يكن ذلك فثمة مستحضرات لمساعدة المريض
على التخلص من زيادة وزنه شرط أن يتبع حمية حكيمة.
التعليق

يعني كثير حكي وكلام مصفوف
وارشادات وتحذيرات..
والنهايه
سكر فمك تنحف
وعلى قولة ابوي الله يرحمه
خيط اثمك وتسلم

طــفله · #2 09/05/07, 09 :39 09:39:06 PM

أما ابسمن من الريحه
هذا سبب ثاني يخليني ما الجأ أبدًا للريجيم القااااسي

وبعيدًا عن المصطلحات العلميه اللي فوق , أتوقع أن الريجيم القاسي / ريجيم الجوع مضاره تغلب على منافعه
وإن عطاني نتيجه فهي نتجيه لحظيه ..
هذا إذا ماخربت الريجيم من بدري وخربت اخلاقي على اهلي و اكلت الاخضر واليابس

حميه مدروسه و شوية رياضه + قناعه بأني بعد فتره محدده راح يكون وزني كذا أو بأني ابلبس مقاس أصغر ( يعني نلجأ للخيال في هالنقطه )
أشوف أنها كفيله بوزن مثالي أو يقرب للمثالي

شكرًا لإلك , والله يغفر لتس ولوالديتس
يسعد أيامك كلها عواطف (f)

mhafah · #3 10/05/07, 03 :26 03:26:43 AM

السمنه
وما ادراك مالسمنه
الحين الواحد اذا شافوه سامن واتفه شي يزيد وزنه
قالوا هذا يسمن من الهواء
بس الوحده اذا تبي تنحف ونوت هالشي
وارادتها قويه
راح تصمم على ريجيم ونظام يساعدها ويخليها توصل للي تبيه
بس وين الاراده والعزم
اذا جتنا حالة نفسيه وزعلنا
حطينا عذرنا في الاكل وقمنا نبلع
ونقول همانا زعلانين وضايقه صدرونا
نبي ناكل ونستانس
وهات ياكيلو وراه كيلو وراه كيلو الين ننتفخ..
عاد نجي نقول سمنتنا من الهوى
صح من هوانا اللي جا على الاكل

كريزي · #4 11/05/07, 11 :14 11:14:44 PM

اقول ترانا نكثر هرج واذا جا الجد نبي نسوي اي شي عشان ننحف

المشكله اي رجيم ينحف واي رياضه تنحف

بس مهنا إراده ونمل بسرعه

واذا على كلامك ياطفله القناعه

القناعه تروح اول ماتطيح عيني على وجبه دسمه لاتقاوم

اقول للقناعه بيباي .. وبعدين اتندم .. وبكره نسوي وووووو

ونرجع ..

انا من ناحيتي ارادتي زيرو ينطح زيرو

ماعرف اسكر فمي الا اذا ارتفعت حرارتي خخخخخخ

ياختي الله ينولنا الي في بالنا

سـاسفايـد · #5 14/05/07, 04 :50 04:50:54 AM

اقتباس:


	عندما يجوع المرء ويشتهي طعام بقوة ,يكفي أن يرى أو يشم رائحة هذا الطعام ليسمن,دون أن يتناول منه غراماً واحد اكتشاف مدهش فعلاً!

إلا اكتشاف معوّق فعلا

وش اللي اذا شميت ريحة الاكل اسمن ؟

بلا بروفيسورات بلا بطيخ ..

الانسان حكيم نفسه ..

قللي اكلك .. وامشي وتنحفين .. وكلها والله على النفسيه ..

عواطف · #6 14/05/07, 10 :54 10:54:37 AM

طفله
وتبقى الاراده هي الطريق اللي بيوصلنا الى مانبتغيه
مهما كثرت الريجيمات
ومهما قالوا
الاراده والعزيمه مع رسم طريق لك يكون من اختيارك
هو الهدف الاسمى اللي راح يريحك
ممنونتك كتير على هاللحظات الممتعه
اللي اخذناها من وقتك
لاعدمناك

غيوم عطشانه · #7 16/05/07, 01 :10 01:10:23 AM

اااهااا عشان كذا الوحده لمن تكون جوعانه وتدخل المطبخ اتصلح الأكل
تحس بعدين انها معااد لها نفس يعني اشبعانه

وهذا يدل على ان كلام البرفسوور صحيح ((((عندما يجوع المرء ويشتهي طعام بقوة
,يكفي أن يرى أو يشم رائحة هذا الطعام
ليسمن,دون أن يتناول منه غراماً واحد))))

والله حاله بعد تعبنااا والله من هل مووضووع
وكل يوم رجيم شكل
الله يكتب الخيره لاصار الريحه اتسمن
مشكله والله
عمووماا لطووف يسلمو على المووضوع يابعدي

فجر الخيول · #8 16/05/07, 01 :19 01:19:51 AM

اقتباس:

أرسل أصلا بواسطة mhafah


	السمنه وما ادراك مالسمنه الحين الواحد اذا شافوه سامن واتفه شي يزيد وزنه قالوا هذا يسمن من الهواء بس الوحده اذا تبي تنحف ونوت هالشي وارادتها قويه راح تصمم على ريجيم ونظام يساعدها ويخليها توصل للي تبيه بس وين الاراده والعزم اذا جتنا حالة نفسيه وزعلنا حطينا عذرنا في الاكل وقمنا نبلع ونقول همانا زعلانين وضايقه صدرونا نبي ناكل ونستانس وهات ياكيلو وراه كيلو وراه كيلو الين ننتفخ.. عاد نجي نقول سمنتنا من الهوى صح من هوانا اللي جا على الاكل

انتي حاتقولي طخ وكسر مخ يعني مو كفايه الزعل بعد نمووووت جوع ونطيح في الاكل حسبي الله ونعم الوكيل
والمشكله مين نرضى دورنا شيء ناكله وربي عذاب مادري ايش يقفل هذا الفم مايشغلنا عن الاكل الا كلام الحش ومايشغلنا عن الحش الا الاكل ويش هاااالبلللللللللللشه

النمسا · #9 16/05/07, 09 :33 09:33:49 AM

الله يعطيك العافيه

صادقه والله صك فمك وتنحفين

عواطف · #10 26/05/07, 09 :47 09:47:26 PM

أعصابك mhafah خانوم
تراها ماتسوى تعصبين وتروحين للمطبخ طوالي
شوفي
الاراده والتصميم اذا مهيب موجوده ابد لاتفكرين انك بتوصلين لهدفك
مو الريجيم وبس
لا .. لكل شي تطمحين له

عوافي مهفه

عواطف · #11 26/05/07, 09 :53 09:53:03 PM

ايه صادقه ياكريزي

شكل ارادتك يبي لها اراده توريها شغلها

بس ماقول الا الله ينولك اللي في بالك

ولاعاد يزيد وزنك ولا كيلو

عواطف · #12 26/05/07, 10 :00 10:00:12 PM

يقصد والله اعلم ياسعره
انه اذا شم ريحة الاكل يطير لمها
وياكل ماتجود به نفسه
ويسمن بعدها وكل يوم على هالشكل
يعني روتين يشم فيه طبخات امه والا زوجته
وهات يابلع
طلعت معه يسمن من الريحه
يمكن صح؟
النفسيه مالها اي دعوى
افرضي زعلانه ومااشتهت شي
وافرضي زعلانه وبلعت كل شي
اجل فيه هرمونات تلعب على كيفها
وتبي من يعرف يتعامل معها
ثانكس دايت

عواطف · #13 26/05/07, 10 :06 10:06:48 PM

تحسين كلامه متناقض
شلون تشمين الاكل وتشبعين
وشلون تسمنين من الريحه!

تدرون لو الوحده تسوي ريجيم بدون ماتعلم حالها تراها احسن
تنجح طريقتها
يعني تقول يووه اليوم مالي نفس اكل
وبس
والا مو الحين اكل بعد شوي
وكل شوي تأخر الاكل لحد ماتنام
يعني تلعب على نفسها وتضحك يمكن تجيب نتيجه

مشكوره يالمغتربه وحياتس الله

عواطف · #14 26/05/07, 10 :13 10:13:29 PM

هههههههه
شوفي
كلي كراث مع تفاح وخيار
وتنحفين
وكلما ضاق صدرك هاتي كراث وخيار وتفاح

وتشوفين نتيجه ماحصلتش

فجر الخيول
روقي يابنت الدنيا ماتستاهل كلها شحمات وبس

عذاري · #15 30/05/07, 10 :51 10:51:54 PM

وش رايكم كل ماجعتو قبل النوم تاكلون السرير وياكم خخخخ
مشان الجوع مايجي الا بعد النوم خخخخخخ

يسلموووووووووو

عواطف · #16 31/05/07, 12 :32 12:32:39 PM

يعافيك ربي

السؤال متى نصك الفم الملتهب

ان زعلنا كلنا

وان رضينا كلنا

والله حاله

عواطف · #17 31/05/07, 12 :41 12:41:15 PM

تدرين ان الجوع بعد النوم سببه الاكل الدسم في الليل

تصحين وانتي كانك ماكله بوفيه كامل