:

عنوان موضوعي اليوم تمثيل الحب
بصراحة أنا حبيت انسان كان بالبداية وايد محترم وخجول وحسيته يبادلني هذا الحب كان يخاف عليي وايد ويتألم إذا كنت حزينة أو مريضة وبعد مرور ستة أشهر اكتشفت انه ما يعرف يعني شنو حب جرحني وتهمني بالخيانة من دون سبب فتركته وبعد مرور أسبوع رجع واعتذر لي وسامحته بس طلع نذل ما عنده ثقة بأحد حتى نفسه يشك بكل الناس وانا الحين وايد أتالم لاني حبيته من كل قلبي وهو يعرف اني ضحيت بناس وايد عشانه وانا الغلطانة من الاساس لاني ما فكرت بعقلي وحبيته بقلبي كنت محتاجة للحنان والأمان أنا عمري 18 سنة وهو 27 سنة كنت محتاجة حنان الاب اللي فقدته




 

حبيبتي عاشقه يكفيك انه اتهمك بالخيانه وانتي بريئه من هالشي وبعدين ليه من بعد ما سوا فيك هالشي ترجعين وتقبلين اعتذاره؟؟!!!
ومن بعدها تكتشفين بعد انه ما عنده اي ثقه باللي حوله وتكملين معه بعد؟؟؟
انتي غلطانه وهو بعد غلطان اتركيه يا قلبي وبعدين الحب مو كذا ..الحب اكبر من كذا بكثيييرررر.
ومافي حب حقيقي قبل الزواج لان الحب الي قبل الزواج اكيد فيه مصالح وغيرره
اما من بعد الزواج مافيه الا الاخلاص والحب والتفاهم ..
الزبده يا قلبي لا ترضين لنفسك مذله اكبر من كذا واتركيه الله يستر عليك ويعوضك بالزوج الصالح..
تحياتي اختي..

 

حبيبتي انا كمااان رايي من راي اختي غنوجة

هذا الرجال مو كفو .... هذا جالس يتسلى فيك يوم يزعلك ويوم يشك فيك (كلن يرى الناس بعين طبعه)

اللي يحب البنت ويعزها يدق الباب ويكلم اهلها

اقطعي علاقتك فيه ....قبل الفاس تطيح بالراس

والله يرزقك باللي يعرف قدرك ويصونك

 

 

اولا اختي أنت غلطانه لانه رجع واعتذر ولا كأن شئ حصل وهذا أكبر غلط اللي يجرحني مرة ويجي يعتذر راح يجرح الف مرة ويعتذر لانه عارف اني راح اقبل عذرة والسبب اني احبة

والله الحب ماهو كلمة تقال الحب مشاعر احاسيس اتفاق القلب مع العقل وليس بالقلب دون العقل لو اختل طرفا المعادلة لن يصبح حبا لانه لولا الاتفاق لما عرفنا الحب
الرجم يحب الف امراءة
ولكن المراءة تحب رجل واحد لانها صادقة في هذا الحب لانها تفكر بالقلب والعقل ليس كرجل الذي يحب بالقلب فقط وقد تكون احيانا بالعين يحب

اسأل الله ان يفرج كربتك وان ينسيك هذا الكاذب المخادع

 

انا خاصه في الحب
عندي
من باعني برخيص ابيعه بالغالي حتى لو يموت قدامي

وتاكدي حبيبتي انك ما راح تخسري الا اشويه مشاعر مجروحه وراح تعدي
لانك اقوى والحياه قدامك
من يدري يمكن بكره تحبي شاب من سنك وتعرفين ان حبك له كان حب مراهقه فقط
او تنفيس عن مشاعر البنت اللي بحاجه لحنان الاب